الوزير باسيل في مهرجان البترون الانتخابي:
– شكرا للبترونيين لانهم سمحوا لي ان أعمل للبترون والبترون هي نموذج لما يمكن ان نحققه للبنان
– قبلت التحدي للترشح بطلب من التيار ولانني لا اهرب من صليبنا ولان طريق الجلجلة طريقنا ولان القيادة حتمية لتيارنا
-ايها اللبنانيون من تريدون ان يمثلكم بالمجلس النيابي؟ في انتخابات الرئاسة من تريدون ان يمثلكم، من رفض انتخاب الرئيس من الشعب، من تريدون ان يحصل حقوقكم؟ او تريدون تمثيل من يسعى للرئيس القوي وعدم حصول فراغ رئاسي، ومن تريدون العملاء او من يقيم علاقات ندية مع الدول ويسعون لاعادة النازحين الى سوريا
-هل تريدون العميل الذي ابدى استعداده لإشعال حرب اهلية ولديه خمسة آلاف مقاتل لإشعالها ان يمثلكم، ام الذين يسعون للتفاهمات والحوار بين اللبنانيين؟
بكرا بيجي 16 ايار وما بيبقى الكن غير التيار
-أعدكم اننا في 16 الشهر سنخطط لمهرجان الصيف لتكون البترون عروسة الصيف
– انا لا أقبل أن يحكمني أحد ولا حتى حزب الله و”اذا انتخبتوا القوات رح يحكموا الإخوان”
-كلّ العيون مسلّطة على الشمال الثالثة وعلى البترون تحديداً، لأن كلّ المنظومة يلّي برّا وجوّا، خطّطت وشاركت بتنفيذ مؤامرة الانهيار بـ 17 تشرين، رموزها ناطرين هالنهار ليسقطوني
-ليش بدن يسقطوني انا؟ لأن انا والتيار كلّه مستهدفين. لأن نحنا عملنا الطائف بـ الـ 90 وركّبنا نظام فاشل، ونحنا سلّحنا حزب الله وشرّعنا سلاحه بكل البيانات الوزارية من التسعين
-ليش بدن يسقطوني انا؟ لأن نحنا دخّلنا داعش على لبنان، ونحنا دخّلنا النازحين السوريّين ونحنا خلقنا قضية فلسطين بـ 48 ودخّلنا اللاجئين، ونحنا ركّبنا الدين على البلد من سنة 93، ونحنا قطعنا الكهربا من بعد ما استنزفنا الخزينة بدعمها بقرار بمجلس الوزراء سنة 94
-ليش بدن يسقطوني انا؟ لأن نحنا جبنا رياض سلامة ودعمنا سياسته وسرقنا ودايع اللبنانيين وهرّبنا اموالهم للخارج ونحنا ما عم نقبل باستعادتهم، ولا عم نقبل بالتدقيق الجنائي ولا بالكابيتال كونترول… ونحنا ركّبنا منظومة الفساد، والكل كشفوا عن حساباتهم واموالهم الاّ انا…
-نعم كلّن اوادم يعني كلّن… الاّ نحنا الفاسدين واجا وقت حسابنا. مش هيدي نتيجة 17 تشرين؟ كلّن والنازحين جوّا جوّا، ونحنا وحدنا برّا برّا
-بعد 16 ايّار بيخلص عمر الحكومة والمجلس، مين بدّكم انّو يمثلّكم فيهم؟ يلّي ما قبلوا يعدلّوا الدستور بكلمتين ليصير الزامي تنعمل الاستشارات بشهر وتتألّف الحكومة بشهر؟ بدّكن ننطر اشهر واشهر لتأليفها؟
-بكرا بتجي انتخابات الرئيس، مين بدّكن يمثلّكم؟ يلّي ما قبلوا بتعديل الدستور لتصير انتخابات الرئيس مباشرة من الشعب على دورتين وما يتكرّر الفراغ بالرئاسة وللرئيس يكون عندو تمثيل؟
-بكرا بتجي مسألة الحدود والغاز، مين بدّو يحصّل حقوقكم؟ يلّي ما بيعرف شي عن الموضوع بس بيعرف يثرثر بالاعلام، او يلّي بيعرف الملف، وخلّى لبنان يصير على الخارطة النفطيّة؟
-بكرا جايي مؤتمر اعادة النازحين، ومؤتمر اعادة اعمار سوريا، مين بيمثل لبنان فيهم؟ يلّي عملوا اعداء وعملاء مع سوريا، او يلّي عملوا علاقة نديّة قايمة على السيادة والاستقلال، واشتغلوا للعودة وللإعمار وعم يشتغلوا للمشرقية الاقتصاديّة والإيّام القريبة جايي وبتشوفوا النتائج…
-بكرا بتجي طاولة الحوار، في مين دعي عليها ومين كابر وقاطعها! بكرا بتجي خطّة التعافي، في مين فكّر فيها وكتبها، وفي مين عم يفشلّها! بكرا بتجي مشاريع الكهرباء والمي والغاز، في مين عامل خططها ومشاريعها وقوانينها، ومين عرقلها ووقفها والّف الشائعات حواليها!
-بدي ذكركم بخمس كذبات… الكذبة الاولى “الاكثريّة”: قال (ما غيره) انو اذا اخذوا الأكثريّة، رح يظبّط البلد… ما هنّي اخذوا الأكثريّة من 2005 للـ 2018، ليش ما ظبّطه؟
-ليش وقت كانت الاكترية معن بين 2005 و2018 ما شلّحوا الحزب سلاحه، وليش فاتوا معه على حكومات؟ وليش قعدوا بحكومات بيانها الوزاري ركيزته حق المقاومة، ليش ما جلّسوا الوضع المالي، وجابوا الكهرباء وعملوا موازنات واصلاحات؟
-السيّد حسن طلع من يومين، واكّد وقال: “لا فائض قوّة يُستعمل في الداخل اللبناني – لا طائفة قائدة في لبنان – لا حزب قائد في لبنان. كلّنا شراكة، وما حدا بيقدر يلغي حدا ولا يسيطر على حدا”
-هو قال: فليحكم الاخوان! وانا بقول على هيدا الاساس “اذا انتخبتوا القوات، رح يحكموا الاخوان.” اصلاً، احتلّوا شرق لبنان، وهو طلع يهنّي بوجودهم!
قال اكثر من هيك، حَلف انّو يحلق شواربه اذا ما سقط النظام بسوريا وفل الأسد. بقي الأسد، قام ربّى دقنه! رجّال كلمتو كلمة؟ شفتوا الوعود؟
-رابع كذبة “الصرف الانتخابي”: هيدا ملف فاضح عن كذبهم… هيدا جرم مشهود عم يشوفوه اللبنانيين كل يوم على الطرقات بملايين الدولارات، وهنّي محروقين على تنكة بنزين؛ متل ما عم يشوفوا المجوهرات بألوف الدولارات عم تلمع ومدندلة وهنّي محروقين على وجبة اكل
-هيئة الاشراف على الانتخابات عندها مسؤوليّة اخلاقيّة وقانونيّة، والقوى الأمنية والقضاء عندهم مسؤولية الزامية بوقف سيل الدولارات على الطرقات، وجحافل الليرات بالشفط، وطوابير المال الوسخ…
-ما بيكفي انّو كمشوا شوية ناس عم يرشوا عن مرشحين بكسروان وجبيل والبترون، وحوّلوهم على القضاء وعلى هيئة الإشراف وتم الادّعاء عليهم – في مئات الراشيين والوف المرتشين، وهيدا سقوط لشرعية الانتخابات وهدم لنظامنا الديمقراطي وتدمير لأخلاقيّات مجتمعنا! ما رح نسكت عنه ولا رح نقبل فيه
-لدى التيار في زغرتا صخرة تأسس عليها التيار وارتكزت عليها مبادئ التيار هو بيار رفول
-في الكوره جورج عطالله هو النائب القبضاي الذي واجه باصعب الظروف واثبت قدرة كبيرة للتشريع كمحامي فاتكلنا عليها في مشاريع القوانين وكل اصواتنا لجورج عطالله
-اسمعوا منّي! ميشال عون باقي رئيس جمهورية لآخر لحظة. استفيدوا من وجوده لتحافظوا على وجودكم! ميشال عون كان ورح يبقى عايش بضمير الناس الشرفاء والاحرار؛ باقي على مساحة الوطن والمشرق، وباقي ابعد بكتير من زمن عهده
-يا حبيبي، يا عيوني، روح عند الماما خلّيها تخبّرك عن بنك المستقبل، وروح عند البابا خلّيه يخبّرك عن بنك المدينة، وروح عند يلّي عم يعطيك المال الوسخ لتشتري فيه انضف الناس وبعدين خبّرني عن المال النظيف!
-ونحنا بـ 15 ايّار، شو ما صار انتصار! لأن بقينا ورح نكون كتلة كبيرة اذا مش اكبر كتلة… قاومنا وصمدنا وبقينا وما خلصنا… والأهم انتصرنا
