تناقل الناشطون عبر الفيسبوك خلال الساعات القليلة الفائتة، صوراً تعود لفتاة جميلة تدعى “أماني منيمنة” تعمل على احدى محطات البنزين في لبنان وهي قد تكون سابقة في ظل الازمة الاقتصادية الخانقة التي يعيشها المواطن اللبناني.
الخبر نشره أحد الناشطين الذي يعرف أماني من خلال الفيسبوك، وقد فوجئ بأنها تعمل في احدى محطات البنزين في عبرا-صيدا. وما ان سرد “حسين طبوش”، القصة عبر حسابه الخاص حتى تفاعل معها الاف اللبنانيين واثنوا على ما تقوم به أماني، مؤكدين أن نوع العمل لا يُنقص من قيمة الشخص بل على العكس تماماً.
اليكم القصة نقلاً عن حساب “طبوش”: “اليوم انا وعم نبش عامحطة بنزين فاتحة شفت بطلعة عبرا محطة ابو مرعي فاتحة وعم تعبي وقفت بالدور وخلال 10 دقائق وصل دوري وباقي سيارتين قبلي لفتلي نظري انو اللي عم تعبي بنزين وحدة شقرا وحلوة وجسمها سمبتيك مشيت سيارة بقي ادامي سيارة وحدة و ماشفت هالبنت الا حطت فرض البنزين بالرزفوار وهربت انا ستشبهت فيها وبين عرفتها وما عرفتها اجا شغيل حاسب السيارة ومشي وصل دوري فتحت الرزفوار وقلتلو لو سمحت شو اسمها البنت اللي كانت عم تعبي قبلك وفاتت خلص دوامها؟ قلي لاء لما يجي حدا بتعرفو بتستحي وبتفوت وبتتخبا سألتو شو أسمها قلي( أماني )قلتلو ماتعبيلي انا فايت جيبها هي بدها تعبيلي.
فتت واقفة بالزاوية وخبت وجها انا عرفتها صديقة من خلال الفايسبوك وجاي لعندي كذا مرة عالمحل وبنت محترمة عبطتها وبستها وقلتلها انتي أشرف من كتيررررررررر ناس عم تاكل وتصرف من غير تعب.انتي أشرف من كتير شباب قادرين يشتغلو بس متكلين عالبابي والمامي لياخدو مصروفن منن انتي أشرف مني لو انا قاعد ببيتي ومتكل عاأولادي يصرفو عليي وانتي أشرف من كتير بيعملوا خير وبيساعدو فقراء بس أموالهم ربا وزنا وتبيض أموال وتجار بالممنوعات وانتي أشرف من كتير مشايخ
بياكلو الحرام وبيتحلو بالحلال.
شفتها شمخت بالعالي
وقالتلي كلامك كتير أثر فيي والعيب اللي بيعمل عيب انا عم اشتغل واكل من تعبي أنها أماني م. منيمنة”.
