باسيل من اللقاء الشعبي في زحلة:
– نحن نفكر بلبنان المستقبل وهم يفكرون كيف يقطعون الطرقات
– يللي عم بيهاجمونا ويحرضوا الناس علينا يخبرونا شو عندن مشاريع أو إنجازات؟ كيف بيخدموا زحلة وبيطورو إقتصادها؟ بخطاب الفتنة وزرع الخلاف بين زحلة ومحيطها؟ أو بعرقلة المشاريع وإحباط الناس والسلبية والنق؟
– الكارثة المالية يللي حذّرنا منها وقعت، بس نحنا ما عم نكتّف إيدينا ونتفرّج عليها، عنا خطة متكاملة واعلنا عنها، مش قلنا منبقى منفكر فيها!
– لكل لبناني عندو ضمير وطني منوجّه دعوة للتلاقي حول الخطة يللي جهّزناها حتى ننتقل: من الإنهيار للإعمار، من الطائفية للدولة المدنية، من الفساد للشفافية، من الفشل المركزي للنجاح باللامركزية الإدارية، من الريع والمضاربة للإنتاج، من تناتش السلطة للتنافس على بناء الدولة
– نحنا منخوض الإنتخابات مش نكاية بحدا ولا تنكسر حدا ولا تنسقّط حدا. منخوض الإنتخابات لنربح عأساس مشروع واضح بالخيارات السياسية والإقتصادية والمالية والثقافية والاجتماعية، ومندعي الكل يحاورونا، إما بيقتنعوا وبينضموا لمشروعنا أو بيقنعوا الناس بمشروع أفضل ونحنا مننضم إليه
– نحنا منشوف زحلة أفعال مش أقوال وشعارات. السيادة والإستقلال تاريخنا ونهجنا، ما حدا يزايد علينا
– نحنا إنتخاباتنا مش نسكّر بيوت زحلة ولا نرهن قرارها، نحنا منعمل إنتخابات بزحلة لنحاول نعمل لزحلة اكتر
– التيّار الوطنيّ الحرّ زحلاوي بإنتماؤ وطبعو ومرشحينو. سليم عون إبن هَالأرض ونايب بإرادة ولادها، هو واحد منهم وعاش معهم بإيام المقاومة والنضال والحصار وبإيام النيابة والقوانين والمشاريع… وكل اصواتنا لسليم عون