علق الممثل يوسف حداد من خلال صفحته الخاصة عبر الفيسبوك، على حكم المحكمة الدولية الخاصة بلبنان الذي صدر أمس، كاتباً: “اللي صار كان مسار طويل من التزوير والتحريض واستغلال الجريمة ومحاصرة سوريا واتهامها والضباط وسنين سجن ظلم وعذاب وتشويه سمعة وانتخابات عالدم وسرقة ومحاصصة ورئاسة وزراء ومالية فلتانة وقضاء مطيع ومطوع وتحريض واتهام حزب الله لمحاولة ضرب المقاومة البطلة وانهاءها وتضييع اقتصاد البلد والاف الموظفين والتعيينات والمجالس الفلتانة والعنصرية وعرقلة قيام دولة…المجموع 15 سنة من حياتنا ومستقبل ولادنا وتعبنا وكل ما حدا قال شي بيقولو انتو مجرمين قتلتو رفيق.. لازم محاكمة لكل مين حرّض واتهم واستغل وزرع الفتنة والتفرقة باسم الدم والاوادم والشرفا والوطنيين واليوم نفس نوع هالعملا عم يستغلو جريمة المرفأ ليتهمو اشرف الناس فخامة الرئيس رمز الوطنية وراس الاوادم وبس هالمرة صرنا نعرفكم منيح يا زحّيفة خانعين ولا وطنية ولا دين ويا اصحاب الاجندات”.
واضاف حداد “عن اي حقيقة واي مصداقية عم بتحكي وبعدك بتطلب محكمة دولية للتحقيق بجريمة كارثة المرفأ ومحاولة استغلالها متل كتار تابعين وهيدا دليل على انك مستمر بنفس النهج مع حوسة فاشلة تحيك المكائد دماء ضحايا المرفا ووجع الناس الطيبين ودمار بيروت حقهم علينا العدالة ومحاسبة وتعليق مشانق ومتابعة القضاء ودعم المستقلين وعدم السكوت على التابعين المستزلمين والمسيسين وانتو اول شي لازم تعتذرو من الشعب اللبناني ومن كل عيلة وبيت اتهمتو واستغفرو ربكن وساعتا منسامحكم.. بس للاسف الواضح مكملين وبشراسة وبنفس المنهج”.
اللي صار كان مسار طويل من التزوير والتحريض واستغلال الجريمة ومحاصرة سوريا واتهامها والضباط وسنين سجن ظلم وعذاب وتشويه…
Geplaatst door Youssef Haddad op Woensdag 19 augustus 2020
