علّق الفنان حسام حبيب، على الجدل المثار حول حفل طليقته الفنانة شيرين عبد الوهاب، بختام مهرجان موازين بدورته الـ 20.
وقال حسام حبيب في تصريحات خاصة لـ القاهرة 24: قد ايه بتحب جمهور المغرب وبتقدره.. وهي ممكن متكونش راحت حفلات كتير بس حفلة المغرب هتروح لو وراها ايه.. ودا احتراما لجمهور طول عمرها بتحبه.. وأنا كنت متخيل إن الناس هتعذر وهتقدر وقفتها..
وأضاف قائلا: هي ست في الأول وفي الاخر ومش في كامل لياقتها.. وقامت وركبت الطيارة وراحت والتزمت ووقفت قدام الناس وحاولت تسعدهم على قد ما هي تقدر.. معتقدش إنها مستنيه فلوس حفلة موازين..
وأكد قائلاً: شيرين مش بتبص أصلا للفلوس على قد ما بتبص للناس.. معرفتي بيها عمرها ما اهتمت بفلوس واعتقد إنها لو بتبص للفلوس كانت راحت عملت حفلة في الخليح وهيكون 6 أو 7 أضعاف الفلوس دي.
وتابع: بالعكس كلنا عارفين حفلات شمال إفريقيا وأوربا.. أجرهم بيوازي 10% من أجر حفلات الخليج.. واللي بيبص على الفلوس بيعمل كدا… لكن هي بصت للجمهور.. وقدرت الجمهور وراحت له على قد امكانياتها الحالية.. ولو فيه حد في الظروف دي هيقول أنا عيان.
وأوضح: الناس معذورة.. أنا بطلب من الناس يبصوا لها من وجهة النظر دي لأن دا هيفرق كتير جدا معاها.. ولو بصوا لها من وجهة نظر النية الطيبة مفيش حد هيركب طيارة وخصوصا انها ست مش راجل وهيتحمل المشقة دي.
واختتم تصريحاته قائلا: المفروض نقف جنبها ونحيها على إنها قايمة وواقفة على رجليها وبتشتغل وبتحب جمهورها.. وانا بقول دا ومليش مصلحة ودي وجهة نظري بقولها ودي اللي هتحاسب عليها قدام ربنا.
