كشف الفنان هشام عباس عن رأيه في الأزمات الأخيرة التي مرت بها الفنانة شيرين عبد الوهاب، موجهاً لها رسالة عتاب ونصيحة للعودة إلى مكانتها الفنية المستحقة.
وقال عباس في تصريحات صحافية: “نفسي أكلم شيرين عبد الوهاب وأقعد معاها، وأقول لها: يا شيري، إنتِ في مكانة نادرة ما بتحصلش غير كل 100 سنة، وعندك جمهور كبير بيحبك. اللي في مكانك لازم يستثمر في نفسه، وياخد باله من تصرفاته وكل خطوة بيعملها، لأنه شخص مهم”.
وأضاف: “في أمثلة حوالينا نقدر نقتدي بيها، زي فيروز، أم كلثوم، وأنغام. الناس دي بتعرف تحافظ على نفسها. وأتمنى يا شيري تاخدي بالك من نفسك، وترجعي لجمهورك، ولنفسك، ولكل الناس اللي بتحبك، وتسكتي أي حاجة سلبية حواليك”.
