استقبلت عائلة جمعية راهبات الصليب من كل مؤسساتها التربوية والكشفية والطبية قداسة البابا لاوون الرابع عشر في باحة الدير ، وتوجه الى القاعة الداخلية على وقع نشيد خاص بالمناسبة ، أنشدته “جوقة ذخائر ابونا يعقوب” المؤلفة من مرضى المستشفى بعنوان “أملنا”، من كلمات الشاعر نزار فرنسيس، ألحان وتوزيع المايسترو إيلي العليا، ميكساج وماسترينغ إيلي فقيه.
نص النشيد
وفي ما يأتي نص النشيد :
حَلِّت عِنّا البركة كلّا
وتنرحّب فيك تجمّعنا
رغم المرض بيبقى الله
عايش فينا وحاضر معنا
إيدك عَلّي.. عطينا النعمة
بدنا نصلّي.. ونمحي العتمة
يا بابا.. في عنّا كلمة
وْأمَلنا إنّك تسمعنا..
يا جايي تبارك جَمعتنا
وبصلاتك حب كبير
بوجودك وصلت فرحتنا
للسما المنحبّا كتير
هيكي عَلَّمنا ووَصّانا
بونا يعقوب الرَبّانا
شمعة بالعتمة ضَوّانا
حتى العتمة نور تصير..
أكبر عجيبة بالكون
إنّو بقينا رغم حروب
وإنّو نحنا هلق هون
بْعون الخالق والمصلوب
وبونا يعقوب الوَحَّدنا
تاليوم نقلّك شو بدنا
يا بابا صلّي وساعدنا
يتقدّس بونا يعقوب..
