وجّه الفنان تامر حسني رسالة مؤثرة لجمهوره، تحدّث فيها عن أهمية الوقت والعمر، مؤكدًا أن حياة الإنسان لا تُقاس بالأيام بل بعدد دقات القلب التي يجب الحفاظ عليها وعدم إهدارها في الزعل والمشكلات غير المجدية.
وكتب تامر عبر حسابه على إنستغرام: “ربنا سبحانه وتعالى بيخلقك ويديك هدية، هي مليار دقة قلب مثلًا لو هتعيش 75 أو 80 سنة… شوف بقى، تقريبًا إنت ضيّعت منهم 2 مليار ونص خلاص. فتيجي بعد شوية تقول لنفسك: هل المواقف اللي عشتها دي كانت تستاهل أضيّع عليها من عمري كل الدقات دي”؟
وتابع: “اسأل نفسك من دلوقتي، هل القصة دي، أو الزعل ده، أو المشكلة دي، تستاهل تاخد من حياتي 20 ألف دقة قلب؟ متضيّعش دقاتك على حاجات ما تستاهلش، لأن اللي بيروح مش بيرجع”.
وأضاف: “اللي الكلام وصله دلوقتي أو هيوصله بعدين، يبقى فعلاً محتاج يسمعه علشان يغيّر في نفسه، لأن في حاجات حلوة مستنياك. ما تبصّش وراك، ركّز في مستقبلك، وحالك مش حال الناس، مستنيك نجاح كبير، روح له، ومتضيّعش وقتك ودقات قلبك”.
