وجهت الإعلامية ريهام سعيد، رسالة اعتذار للفنان الراحل هاني شاكر بعد وفاته، مؤكدة أنها كانت تتمنى مقابلته منذ سنوات لكنها كانت تشعر بالحرج بعد خلاف سابق بينهما بشأن أغاني المهرجانات.
وقالت ريهام سعيد خلال حلقة برنامجها صبايا الخير: “كنت أعرفه من قبل ما أبقى مذيعة، وبعد ما بقيت مذيعة غلطت غلطة، وبعدها مبقيتش أشوفه في الأماكن ونفسي أسلم عليه بس كنت محرجة”.
وأضافت: “في وقت من الأوقات كان بيهاجم موضوع المهرجانات بشكل رهيب، وأنا وقتها بالنسبة لي مطربين المهرجانات ناس طالعة عايزة تعمل حاجة وتفرح الناس، دي كانت وجهة نظري، وطلعت غلط وهو طلع صح جدًا”.
وتابعت: “أنا آسفة، ومن ساعة ما سمعت الخبر وأنا بقول أنا آسفة بس متأخرة جدًا”، موضحة أنها أضاعت أكثر من فرصة للاعتذار له، قائلة: “أبويا كان تعبان في المستشفى من حوالي شهر، وكان في نفس المستشفى الدكتور اللي عامل العملية لهاني شاكر، والممرضة قالتلي هاني شاكر تحت، كان ممكن أنزل بس اتكسفت برضو لأنه ممكن يكون زعلان مني”.
واختتمت حديثها قائلة: “ ندمانة جدًا إني مخدتش كل الفرص دي، وبقوله أنا آسفة إني هاجمتك.. إنت أكبر من الهجوم”.
