أطلق عضو تكتل لبنان القوي النائب زياد اسود عبر حسابه على التويتر سلسلة تغريدات متوجها فيها لرئيس حزب القوات اللبنانية سمير جعجع كاتباً: “دخلك سمير الدور المسيحي بيفرض تصحيح الخلل يللي ارتكبته سنة 1988 بضرب الجيش والمناطق الحرة و تسليمها للسوري و السعودي وإنهاء الحالة السياسية للمسيحيين ،و بيدخل فيها رهانك انك تخلص من الكل،دخلك شعار اعرف عدوك و الامر لي و حالات حتما ما سقطت وقت يللي هربت من عين الرمانة على الشياح”.
وأضاف اسود: “دخلك سمير وقت كنت عم تقرق مع وليد جنبلاط على حرب الجبل وغيرك كان عم يقاتل و يستشهد كنت عم تقوي الدور المسيحي او كنت عم تخدعوا و تستعملو بمؤامرة كنت شريك فيها بتهجير الناس وتعريضها للقتل بحروبك البايخة، دخلك حرب زحلة كانت بايخة كمان او كنت عم تقرق على الناس و تركتهم بلا دعم و سلاح”.
وتابع: “معارك قنات، دير بلا، زحلة، الاشرفية، حرب 100 يوم، تل الزعتر، كل خطوط المعارك ما كنت ولا حامل بارودة ،بس كنت بالتهجير و ضد فؤاد بو ناضر و الشباب و ايلي حبيقة والشباب،و ميشال عون و الجيش، ما كنت ضد حدا الا ضد المسيحي ودوره وحقوقه و وجوده في قراه و بلداته، وعم تحكي عن العهد بطل والله”.
وشدد على انه “بصير صدقك يا سمير اذا بتخبرنا بالتفصيل الممل كيف بدك تقوي الدور المسيحي من اليوم و طالع بلا لبن و تطيير فيولي على الشباب الصغار و بطولات وهمية لشي ما بحياتك عملتو و بدربك خبرن كم معركة خضت و على اي متراس كنت قبل ما تفشخ علينا نحن.خبرنا بالفكر و بالسياسة و القانون كيف بدك تقوينا”.
وختم: “دخلك لمن بعتو سلاح القوات و اختفت اموال الخوات والجبايات و الصندوق المسمى وطني و اموال رخص البناء و الحوض الخامس و fundraising تبع هيديك الايام و براميل السم بشننعير ووطن الجوز وهلق حصتك بالمازوت وتيدي رحمة و غيرها وغيرهم و انت بتعرف عن شو، كانو المسيحيين اقوياء لانك قاعد بقصر”.
