بكلمات مؤثرة… مشاهير ينعون مصفف الشعر طوني صوايا وهذا موعد الدفن!

عبّر الوسط الفني عن حزنه الشديد جرّاء تلقيه الخبر الصادم بوفاة مصفف شعر المشاهير طوني صوايا اثر إصابته بسكتة قلبية، بعد معاناته من مرض السرطان.
سيحتفل بالصلاة لراحة نفسه الساعة الرابعة من بعد ظهر يوم غد الخميس الواقع في 23 الجاري في كنيسة المخلص للروم الكاثوليك – ساحة ضهور الشوير.

واشتهر الراحل بطيبته بين النجمات وكان صديقا ومرافقا لهم، خصوصاً مايا دياب، نجوى كرم، نانسي عجرم، أحلام، أصالة وعبّروا عن حزنهم من خلال كلمات مؤثرة عبر مواقع التواصل الإجتماعي وهذا ما كتبوه:

قالت الفنانة نجوى كرم:
“بكرت كتير يا طوني… يا ضيعان القوادم… يا أحلى إنسان مرق بحياتي، رح نشتاق لعزة نفسك ومحبتك. انت من القلال يللي بيبصموا بقلوبنا، انشالله تكون نفسك بالسما”.

وكتبت الفنانة نانسي عجرم:
“متل النسمة كان حضورك بيناتنا ومتل النسمة تركت هالدني وفلّيت.
الله يرحمك يا طوني. كتير زعلانة…”.

وكتبت الفنانة أحلام الشامسي:
“رحل الأخ رفيق الدرب الصديق الطيب الخلوق المبتسم طوني صوايا💔💔💔 ، اوجعني الخبر ، لا حول ولا قوة إلا بالله ، رحمة الله عليك 😩😩😩😭😭😭”.

وقالت الإعلامية جومانا بوعيد:
“الموت يغيّب الانسان الطيب و عزيز النفس طوني صوايا
صدمة كبيرة و حزن يغمر القلوب
اللهم ارحمه ونورك الأزلي فليضىء له 🙏”.

بدورها كتبت مايا دياب:
“يا رفيقي، يا رفيق الدرب ..
انت معنى الحب والصداقة والدعم
وكاتم الأسرار.. انت اللي ما بتتكرر انت متل النسمة الحلوة، انت كل صفة حلوة ، الصادق الصدوق اللي ايديك ما كانت بس على شعري ايديك غمروني بمحبة ما الها مثيل ، يا طوني رح ضل عم بسمع ضحكاتك وكلماتك الحلوة لآخر الدني..
ما كنت عارفة انه هيدي آخر صورة النا، كنت مبسوط من قلبك وانا كنت خايفة عليك قلتلك كتير ضعفان يا طوني انتبه ع حالك وانت ما انتبهت وفلّيت يا اطيب قلب واكرم نفس يا ادفى انسان يا صادق يا محب يا قلبي انت..”.

وقالت الفنانة نوال الكويتية:
“رحل العزيز الغالي الله يرحمه ويغفر له
خالص العزاء لأسرة الراحل طوني صوايا، والله يحسن عزاهم
الله يرحمه ويغفرله
إنا لله وإنا اليه راجعون”.

من جهتها كتبت الفنانة لطيفة التونسية:
” الله يرحمك يا طوني يا رفيق الدرب يا مخلص يا طيب يا وفي. كنت من أعز الناس ليا في حياتي شوفنا نجاحات كتير سوا زرنا بلدان كتير سوا وكنت دايماً السند يا شهم يا ابن الاصول يا محترم..
فراقك وجعني من قلب قلبي لكن هنعمل إيه”.

وكتبت الفنانة أصالة:
“طوني صوايا مرق بهالرحله ليقول كلمته اللي ظهرت بعد مامشي .. التعامل بالأخلاق أساس الإنسان ونجاحه كان موصول بإنسانيته اللي ماضعفت مرّه رغم كل ظروف شغله اللي مرات بتكون صعبه وقاسيه .. مرق بيننا وقدر يجمع بين كل المتخاصمين وماحدا مرّه زعل منه أو عاتبه لأنه دائماً هوه أعلى من الموقف مهما كان الله يرحمك ياحنون ياطيب يامحترم.. ماكان شخص بشتغل معه وعادي .. كان قريب عليي وكأنّه من أهلي حنون راقي شبعان كرامته ماشفت إلها مثيل ياالله ماعم صدق إنه راح ونحنا كان المفروض سوا مسافرين شي ماعم بقدر صدقه أرجوكم إدعوا له الله يرحمك ياصديق وحبيب وقريب وأخ وإنسان شو صعب لاقي متلك الله يرحمك ياحبيبي ياطوني ياغالي ويصبرنا يارب يارب”.

وكتب المخرج سعيد الماروق:
“يا الله يا طوني وجعتنا كتير ب رحيلك وبكرت كتير يا طيب الله يرحمك 💔”.

وقالت الفنانة كريستينا صوايا:
“نفسك بالسما🙏🏼🙏🏼💔 بكير، كانت لابقتلك الحياة طوني صوايا
الله يصبر عيلتك و محبينك
المسيح قام”.

وكتبت الاعلامية ريما نجيم:
“اللي بيصنَعوا جمال بهالحياة كتير كتير بينزَعل عليهن
طوني صوايا
الله معَك”.

وكتبت الفنانة شذى حسون:
“الله يرحمك يا طوني صوايا و يغفرلك ..من اطيب خلق الله”.

وقالت الممثلة دانييلا رحمة:
“كل اللي بيعرفوا طوني صوايا بيحكوا عن قلبو الطيب وأخلاقو العالية. الكل كان متفق انه إنسان مليان طيبة. خسارة كبيرة فعلًا.
الله يرحمك ويصبّر عيلتك 🙏🏻”.

وقالت الفنانة إليسا:
“زعلت من كل قلبي…. شو كنت محب ومحترم
الله يرحمك يا طوني و يصبر عيلتك💔”.